На овие избори треба да ставиме крај на Груевски, треба да ставиме крај на човекот што ја уништи државата, го уништи Скопје, но најмногу од се го уништи Центар. Овие избори се референдум за негово конечно заминување во минатото, рече кандидатот за градоначалник на Центар од СДСМ и колаицијата, Саша Богдановиќ.
Кандидатот за градоначалник вети нови 2.000 паркинг места, позелен и почист Центар, нова градинка во Маџир Маало, довршување на изградбата на новото најсовремено училиште во Капиштец, нова спотска сала на „КК Работнички“, современи улици и реновирани училишта.
Богдановиќ повика на победа во прв круг за да се запечати судбината на Никола Груевски и да не се дозволи повторно малтретирање со три круга гласање, како на минатите избори.
– Мобилизирајте го секој ваш сосед, секој ваш пријател, да дадеме поддршка за СДСМ и коалицијата, да дадеме поддршка на кандидатот за градоначалник на Град Скопје, да дадеме подршка за поубав и достоинствен живот во општина Центар, за поубав и достоинствен живот во Град Скопје, рече Богдановиќ.
