„Потребно е итно да се деблокира Собранието и да се формира новата реформска Влада, којашто ќе почне веднаш да работи на последиците од катастрофалните образовни политики на досегашната власт.
Во прашање се нашите деца!
Две релевантни меѓународни институции, ОЕЦД и Светската банка излегоа со многу загрижувачки податоци – дека повеќе од 2/3 од учениците на возраст од 15 години се функционално неписмени!
Истовремено, учениците од Македонија покажале меѓу најслабите резултати според светски релевантната организација ПИСА, на тестирањето по наука, математика и читање со разбирање!
Министерството за образование секоја година добива негативни оценки во извештаите на Европската унија дека нема капацитет за големи реформи. Образовните институции се неповрзани и неспособни.
Недостигот на стабилен и сериозен образовен систем се скрши врз грбот на децата кои станаа жртви на неписмените образовни политики на досегшната власт.
Затоа мнозинството граѓани избраа промени и тие мора да се случат!
Во Програмата на новата реформска се предвидени сериозни образовни реформи што посветуваат сериозно внимание на младите и личниот напредок, бидејки тие се движечката сила и моторот на едно општество.
Нашата цел е да воспоставиме современ образовен систем, во соработка со сите засегнати страни, професорите, наставниците, родителите, учениците и по успешен европски модел што одговара на приликите во нашата земја.
Прво, мора веднаш да се отстранат погрешните проекти и штетните експерименти како екстерно тестирање, дисперзирани студии, катастрофални учебници, казните за наставниците и лошите закони.
Второ, мора да обезбеди квалотетна образовна структура што ќе може, ќе нзае и ќе сака да го постави образовниот систем на здрави нозе. Програмата на новата Влада вклучува и нов Институтот за развој на образованието и Центар за обезедување на квалитет.
Трето, образованието треба да дава доволен образовен потенцијал што ќе им помогне на младите да се адаптираат во времето и да се вклучат на пазарот, во согласност со економијата во државата. Тоа ќе го постигнеме со реформа на средното стручно образование.
Над 250.000 ученици во основното и средно образование и над 25.000 наставници и професори со нетрпение ја чекаат новата реформска Влада и таа многу брзо ќе се формира и ќе почне да работи во интерес на сите граѓани“, изјави Петар Атанасов, претседател на Комисијата за образование на СДСМ.