(ВИДЕО) Арсовски до Шекеринска и Шапуриќ: Фатени сте живи и нема перење од овој скандал

Од:

„Молкот кај Шекеринска и нервозата и нетрпението кај Шапуриќ покажуваат дека се фатени живи како си префрлаат народни пари меѓусебе.

Господине Шапуриќ, ние ја разбираме вашата нервоза. Скандалот кој што излезе Ви ги помати пресметките за вашиот буџет и нас навистина ни е жал за тоа. Но, како министер кому работа му е да работи за подобрување на климата за домашните инвестиции, Вие никако не смеете да работите за подобрување на климата на буџетот на вашата невладина од која документите велат дека сте дел, а вие негирате“, рече Димче Арсовски, портпарол на ВМРО-ДПМНЕ.

„Кој ли лаже? Официјалните документи или Вие?

Зоран Шапуриќ пред да се закануваш со тужби треба да одговорите сите инволвирани во скандалот на неколку прашања.

Конкретно ти:

Пред да се закануваш со тужби кон медиумите и ВМРО-ДПМНЕ, зошто не ја тужиш невладината „Мултикултура“ која наводно како што викаш го злоупотребила твоето име?

Господине Шапуриќ уште едно прашање треба да одговорите. Во демантот велите, цитирам: „Преку соопштение јавно укажав дека немам никакво влијание ниту интерес од активностите на доделување на финансиски средства од Министерството за култура, некои новинари и политичката партија ВМРО-ДПМНЕ упорно го тврдат спротивното”.

Дали сакате јавно и транспарентно да ни укажете дека вашата невладина „Мултикултура“ добила средства и од министерството за култура?

Дали постои друг професор доктор на „Американ Колеџ“, Зоран Шапуриќ во Република Македонија или вие сте единствениот со ова име и презиме и оваа титула?

Радмила Шекеринска да одговори дали има донесено годишна програма за финансирање на невладини организации во министерството, како што налага законот за невладини организации?

НВО „Мултикултура“ да одговори, како се најде името на проф. Др. Зоран Шапуриќ на нивниот сајт и под чиј притисок се тргна од сајтот и документите на „Мултикултура“?

Фатени сте живи и нема перење од овој скандал.

Доблесно, морално, етички, транспарентно, човечки е да признаете и да си сносите одговорност. Најпрвин политичка одговорност, да си поднесете оставки, а потоа и правна.

Јавното обвинителство на волку повикувања од целата јавност па и од самиот инволвиран во скандалот Шапуриќ, треба уште веднаш да поведе постапка и да истера до крај.

Граѓаните чекаат одговори, но граѓаните чекаат и одговорност“, изјави Димче Арсовски, Портпарол на ВМРО-ДПМНЕ.

Би можело да ве интересира

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Митева: Итна реакција од сите надлежни институции за скандалозното однесување на Дехари

СДСМ: ВМРО-ДПМНЕ и Љутков директно одговорни за рушењето на домот на Владо Малески

Катерина Ѓуровски

Манасиевски: Фирми блиски до Заеви како подизведувачи на Марковски компани, инкасирале милионски суми од ископ на јаглен