(ВИДЕО) Арсовски: Се уште не знаеме кој прислушувал во обвинителството и кој се ги има тие разговори

Од:

Осми ден молчат од СДСМ за скандалот со прислушувањето. Осми ден Зоран Заев и Оливер Спасовски не преземаат ништо и не ја известуваат јавноста за ништо. Очигледно нешто сакаат да сокријат, рече Димче Арсовски од ВМРО-ДПМНЕ.

– Се уште не знаеме кој прислушувал, колку разговори има, кој се ги има тие разговори, дали разговорите биле предмет на пазар и слично. Граѓаните се уште не знаат дали можеби и Вилма Русковска е прислушувана? Со кого разговарала Вилма Русковска во разговорите и дали има во нејзините разговори индиции и сомнеж за некаков сторен криминал? Дали можеби од разговорите доколку ги има од Вилма Русковска ќе се дознаат многу работи кои што не и се претставени на јавноста? За целиот овој скандал СДСМ Заев и Оливер се уште немаат одговор, рече Арсовски.

Според него, молкот на целата Влада е само потврда на сето она во кое што се сомневаат граѓаните, а тоа е дека за овој скандал се најодговорни Заев и Оливер и дека мора да сносат одговорност и да си поднесат оставки.

– Овој скандал е олицетворение на принципот на владеење на Зоран Заев и СДСМ. Неопходни се оставките на Заев и Оливер за да не ја попречуваат истрагата за скандалот. Оставки и тоа уште веднаш, рече Арсовски.

Би можело да ве интересира

Договорена динамика за увид во документацијата за наводите за незаконско прислушување

Ѓорѓиевски: Скопје е град на слоеви – град на историја, уметност и визии

ВМРО-ДПМНЕ: СДСМ крадеше, правеше предавства и ги уништуваше институциите

СДСМ: Скопје се гуши поради неспособноста на власта и градоначалниците од ВМРО-ДПМНЕ

ВМРО–ДПМНЕ вечерва објави 16 кандидати за градоначалници

А1он

ВМРО-ДПМНЕ: Дали службите за безбедност под водство на кадри на СДС го следеле и прислушкувале Мицкоски со знаење на Коцевски?