Портпаролот на ВМРО-ДПМНЕ, Димче Арсовски, изјави дека она што се случуваше деновиве со експремиерот Никола Груевски во Собранието е политички прогон и медиумски театар организиран од страна на СДСМ.
Арсовски рече дека гласањето било со цел власта и пратениците од СДСМ да ја дефокусираат јавноста од реалните проблеми и случувања во државата.
„Се покажа дека е само еден медиумски циркус за да може неколку дена да ја одолговлечат и дефокусираат темата од реалните проблеми“, додаде Арсовски.
Претходно денеска во Собранието се гласаше за одземање на пратеничкиот мандат на Груевски. Собранието не му го одзеде мандатот, за што беше потребно двотретинско мнозинство.