„Немам коментари никакви, не ме интересира политика“. Ова беше одговорот на Данела Арсовска, градоначалничка на Скопје, прашана од „А1он“ како и се допаѓаат билбордите со ликот на Христијан Мицкоски, лидер на ВМРО-ДПМНЕ со кого влегоа во војна.
„Немам ниту таква моќ, ниту такви средства, ниту правам такви нарачки, ниту имам зошто. Вие самите знаете кои се луѓето кои што имаат моќ да прават такви работи во градот и државата, а во ниту еден случај тоа не сум јас“, кажа Арсовска.
За обвинувањата од ВМРО-ДПМНЕ за тајни средби на Арсовска со луѓе од СДСМ, како и дека е нивни играч, таа вели: „Верувам дека на судот на граѓаните е да процени кој е во право во овој случај. Јас сум сама и немам проблем да застанам против сите, кога се работи за јавен интерес и кога се работи за заштита на она што го гледаме изминатиот период“.
Прашана, дали таа е играч на Никола Груевски, експремиерот кој е бегалец во Будимпешта, Арсовска одговори: „Немам контакт со никого и ниту еден политички лидер, поранешен, сегашен, надвор од професионалното, она што го извршувам од аспект на градоначалник на Град Скопје“
„Немам мислење“, одговори Арсовска на прашањето кое е нејзиното мислење за Груевски.