(ВИДЕО) Апасиев: Вашата разбојничка банда не може да има монопол на историското име ВМРО

Од:

На седница на Собранието, пратеникот и лидер на Левица, Димитар Апасиев, го образложи Предлог-законот за заштита на името ВМРО, поднесен од пратеничката група на Левица. Предлогот имаше за цел, како што истакна и Апасиев, да се спречи „злоупотребата на историското и револуционерно име ВМРО од страна на криминални партии“.

„Овој Предлог-закон е генерациски чекан“, рече Апасиев од собраниската говорница. „Затоа што една бизнис-партија и едно злосторничко здружение на кое му е замрзнат имотот веќе со години, се обидува патриотскиот менталитет и сентимент на народот да го злоупотреби и за тие четири свети букви ВМРО да пропагира бизнис-буржујски интереси.“

Тој подвлече дека патриотското крило всушност живее во левото крило на Организацијата“, нагласувајќи дека токму тоа крило било државотворно и понатаму е олицетворено во АСНОМ-ските идеали и продолжетоците на тие идеали – односно партијата Левица.

„Вие немате ниту морално, ниту историско право да го носите името ВМРО“, додаде Апасиев, „и затоа предлагаме со овој Предлог-закон да се забрани употребата на името ВМРО за политички партии. Дојдено е времето за идеолошка дистинкција помеѓу една криминална структура, корумпирана, и помеѓу светите букви ВМРО.“

Тој повика на пресекување на генерациската лага која, како што рече, целo време му се сервира на народот како пропатриотска, а во суштина е предавничка.

„Македонски народе! Не паѓајте на вакви новокомпонирани буржујски творевини. Следете ја идеологијата на левото крило на Организацијата, олицетворена во патриотската и промакедонска Левица!“ – порача на крај Апасиев.

За Предлог-законот не гласаа пратениците од ДПМНЕ, ДУИ, ВРЕДИ и ЗНАМ.

Би можело да ве интересира

Мицкоски: Индустриското производство во jули годинавa порасна за 4,1% споредено со истиот месец минатата година

Левица: Наместо отчет пред лозарите – Мицкоски во увид на најскапиот тендер во Кавадарци

ВМРО-ДПМНЕ: Економските политики на Владата даваат резултати за сите, повисоки пензии за 7000 денари, реален раст на платите од околу 7 проценти

Предраг Петровиќ

Левица: Растот на платите постои во табелите на ДПМНЕ, а не во паричниците на мнозинството работници

Левица: Кандидатурата на Амар Мециновиќ ја втурна ДПМНЕ во паника

(ВИДЕО) Лефков: Сопругата на Апасиев фалсификувала биографија, кога лажат за тоа, за што се ќе го лажат народот?

Горан Наумовски