„Право на секој согласно законот е да поднесе барање. Дали некој од пратениците ќе поднесе или не, не знам. Прашајте ги нив, рече Емилија Александрова, пратеничката на независната група на ВМРО-ДПМНЕ, по завршувањето на средбата на собраниското тело за помирување.
Александрова беше воздржана од одговори на новинарските прашања, поврзани со амнестија на обвинетите пратеници ВМРО-ДПМНЕ и коалијата.
На прашањето доколку има можност, дали би поднела барање, Александрова децидна:
„Јас не сум дел од таа група, не сум засегната со 27 април.Неможам да давам коментир“, рече таа.
Пратеничката Александрова е дел од телото за помирување чие формирање беше условено, со гласањето за уставните измени на осумте пратеници кои ја напуштија ВМРО-ДПМНЕ и преминаа да делуваат како независна пратеничка група на оваа партија.
Како и пратеничката Ременски-Ташевска и таа се огради од коментарот дали оваа тело ќе донесе селективна амнестија и дали е дел од политичкото пазарење.
“Судот е тој што врз основа на докази ќе носи одлуки.Ние како пратеници го немаме тоа право. Го изготвивме ова решение и тука завршува нашата работа“, рече Алексадрова.
Инаку судската постапка се води за пет пратеници од ВМРО-ДПМНЕ и колацијата, а тоа се Крсто Мукоски, Сашо Василевски, Јохан Тарчуловски, Љубен Арнаудов и Љупчо Димовски.
Габриела Димковиќ-Мишевска