Од Вибер групата каде членуваат дел од пратениците и членови на ВМРО-ДПМНЕ, преку која, како што можеше претходно да се види, се организираат граѓаните да дојдат во Собранието, лицето потпишано како „колешка Чаир“ во мобилниот телефон на пратеникот Крсто Мукоски, во 18:14 пишува „Дај боже да влеземе, да ги затепаме ихаааа“. Од 13 и 30 чекаме хахахахахахах…“
Во 18:49 часот истиот контакт во групата пишува „Влезе народот. Влеговмееее, ајде пратеници“.
Во 18:53 часот лицето „колешка Чаир“ вели „Отворете ги предните вратииии“.
Една минута подоцна истиот контакт во групата пишува „Шеќерка мене остајте ми ја, отварајте дечки вратите“.
Во 19 и 15 лицето „колешка Чаир“ во групата каде што членуваат пратениците вели „Пуштајте клима, изгинаа луѓево“.
Рочиштето за „крвавиот“ четврток продолжува со читање на СМС и Вибер комуникациите од телефонот на Крсто Мукоски со разговорот помеѓу пратеникот и поранешниот претседател на Собранието, Трајко Вељаноски, каде пратеникот се распрашува за снимките од безбедносните камери од Собранието.
Виктор Јованов