„Седум дена, нон-стоп, 24 часа дневно, 24 села во историска Дебарца немаат струја. Не работи училиштето во Белчишта, не работат амбулантите во сите села, не работат поштата, не работи телефонот, не работат стопанските капацитети“, укажа пратеникот Митре Велјаноски.
Овој проблем, рече, добива димензии на елементарна непогода. Го пренесе апелот на 3700 жители на овој дел од Дебарца, главно стари луѓе.
Тие апелираат државните институции кои се надлежни, да реагираат и под итно да ги преземат соодветните мерки.
„Ова е пораз на оваа влада , седум дена 24 села да останат без струја.Уште еднаш, апелот е драматичен затоа што таму има болни луѓе, стари луѓе, кои не можат да се гледаат сами, да си нацепат дрва. Ова е елементарна непогода за Дебарца. Луѓе секој ден со солзи во очи се јавуваат да побараат помош.Тој апел го пренесувам одовде од говорницата. Надлежните државни органи до ден денес не реагираат, апсолутно ништо не преземаат за решавање на овој проблем“, рече Велјаноски.
