Република Македонија има наша поддршка за спроведување на итните реформски приоритети во согласност со меѓународните договори, рече бугарскиот амбасадор во Македонија, Иван Петков при денешната посета на Собранието по што истакна дека исклучително важен е и парламентарниот дијалог со опозицијата за решавање на отворените прашања.
– Задоволен сум што денеска се очекува ратификација на договорот за добрососедство, рече Петков кој денеска пред пратениците ја презентираше програмата и приоритетите за работа на Бугарското претседателство со Советот на ЕУ.
Тој исто така додаде дека Бугарија ја поддржува владата на Република Македонија и сите институции, граѓанското општество и опозицијата да ја постигнат својата цел – добивање покана за членство во ЕУ.