Граѓаните на Велес го одбележуваа 1 Мај- Меѓународниот ден на трудот со излет во природа во рекреативните центри кај езерото „Младост“ и реката Бабуна.
Излетниците имаа ручек – скара и прошетка во природа. Дел од велешани беа во своите викендички во селата во Велешко, како и во планинарскиот дом на Чеплес под Солунска глава, во Папрадиште, во Нежилово и Богомила. Посетители, посебно млади, имаше и во Извидничкиот дом во село Голозинци, кај воздушната бања Јасеново во близина на селото Извор и на други бројни излетнички места во Велешко.
Дел од велешани заминаа на продолжен викенд во туристичките места во Бугарија и во Грција.