Основното јавно обвинителство Битола донесе наредба за спроведување истражна постапка против едно лице осомничено за кривично дело – неовластено производство и пуштање во промет на наркотични дроги, психотропни супстанции и прекурсори.
Осомничениот 38-годишен жител на Велес, на 6 август, неовластено заради продажба во својот автомобил превезувал 4.223,39 грама наркотична дрога марихуана и 1,98 грама амфетамин. Дрогата била откриена при сообраќајна контрола на неговото возило, во близина на една бензинска пумпа на патниот правец А3 Ресен-Битола, информираат од Јавното обвинителство.
На осомничениот му е изречена казна притвор во траење од 30 дена.