Петти Вегефест, фестивал против експлоатација и дискриминација на животните со кој се промовираат здрави, еколошки прифатливи и морално исправни принципи и начин на живеење, ќе се одржи денеска во Младинскиот културен центар , во организација на Здружението за заштита на животни „АНИМА МУНДИ“.
Пораката на фестивалот е дека револуцијата за правата на животните започнува од принципите и животните навики на секој поединец.
Најавени се циклус предавања за користа од веганството, штандови со достапна веганска храна и продукти, уметничка изложба за права на животните, концерти од македонски алтернативни бендови и музичари, и перформанс на акробати од жонглерското студио Фаз Бабл.
Организаторот најави и Детско катче со танци, магионичари и едукативни работилници за деца.