Васко Ковачевски си заминува од ЕСМ за да му се посвети на семејството, одлуката била донесена пред енергетската криза

Од:

Премиерот Димитар Ковачевски рече дека Васко Ковачевски поднес оставка од функцијата генерален директор на АД Електрани ЕСМ за да му се посвети на своето семејство. Оставката ја донел пред почетокот на зимската енергетска криза, но премиерот и министерот Бектеши инсистирале тој да менаџира со кризата.

– Да му се заблагодарам на директорот Васко Ковачевски. Сакам да соопштам дека тој ме информираше поради лични причини поднесува оставка од функцијата. На оваа тема разговаравме уште лани, за потребата да се посвети повеќе на своето семејство. Утрово усмено поднесе оставка, а писмената оставка ќе биде усвоена на следната седница на Владата.

Ќе биде препорачано да биде избран Васко Стефанов, кој беше директор на АД Пошти, пред тоа на Водостопансство и има големо менаџерско искуство.

Сакам да му се заблагодарам лично на Васко Ковчаевски кој вложи се во справувањето со енергетската криза. Тој и колегите од УО им беа достапни на сите членвои на Владата со цел да се носат брзи и ефикасни одлуки за справување со кризата. Неговата одлука беше донесена поодамна од пред почетокот на кризата, но тогаш заедно со Крешник Бектеши одлучивме дека менаџерскиот тим треба да управува во време на кризата и се покажа како исправна одлуката – рече премиерот на прес-конференција.

Тој беше назначен за генерален директор во јули 2019 година, а дојде на оваа функција од местото директор на РЕК Битола која ја извршуваше од јануари 2018 година.
Тој беше во два наврати пратеник во Собранието, а беше и советник во Советот на Општина Битола во периодот од 2013 до 2014 година.

Би можело да ве интересира

Нема пазарна логика да се приватизира АД ЕСМ, тврди Бислимовски

ТЕЦ Неготино се спојува со ЕСМ за поисплатливо производство: Власта тврди дека нема да ги продаде

Орце Костов

ЕСМ нема да се продава додека ДУИ е на власт, вели Бектеши за спојувањето на ТЕЦ Неготино и АД Електрани

Орце Костов

Клинички центар купува државна струја по берзански цени: ЕСМ Продажба единствен понудувач

Орце Костов

Николоски: Дали е случајно што РЕК Битола во време на Васко Ковачевски на иста фирма дава два тендери со исти суми, и двата со исти анекси од 20%

ЕСМ ќе плати 2,3 милиони евра за нови автомобили: Мора да имаат екран на допир и камера за паркирање

Орце Костов