Обвинителката на СЈО, Ленче Ристоска, од Апелациониот суд побара да биде одреден притвор за Тони Јакимовски, поранешен шеф на Кабинетот на директорот на УБК, од причина што обвинетиот има работен ангажман во Романија во меѓународниот центар СЕЛЕК како и дека поседува дипломатски пасош кој може да го искористи.
Ристоска истакна дека обвинетиот Јакимовски додека бил шеф на кабинетот на Сашо Мијалков истовремено бил и началник на координација па можел да влијае врз сведоците кои му биле под негова хиерархија.
Јакимовски е обвинет во случаите „Таргет и „Тврдина“.
Петар Василев, еден од адвокатите на Јакимовски изјави дека наодите од жалбата на СЈО се неосновани.
-Јакимовски работи во Центар каде се поврзани 12 полиции и 12 царини, ако судот му определи притвор,ќе ја загуби работата, а Македонија ќе изгуби професионалец, рече Василев.
За овој случај ќе одлучуваат истите судии како и за претходните предмети, Љиљана Ивановска Шопова, Сафет Кадрии и Цветанка Периќ
Виктор Јованов