Еврокомесарот за проширување и добрососедство, Оливер Вархеји, одговарајќи на новинарско прашање рече дека во интерес на Бугарија и Македонија е да најдат решение за актуелното прашање околу историјата.
„Јас не би претерувал со драматизирање за ова прашање, но секако е сериозно“, рече тој.
Според него, без да се најде решение за ова прашање ќе биде тешко работите да се придвижат нанапред.
„Гледам посветеност од страна на премиерите Заев и Борисов, се надевам дека ќе успеат да најдат решение“, рече Вархеји.
Тој нагласи дека ЕУ ќе направи се што може за да помогне, бидејќи според него не е невозможно да се изнајде решение.