Вакцинирани се речиси 60 проценти од вработените во градинките

Од:

Работата во градинките и покрај летните одмори се одвива согласно насоките и препораките на здравствените власти, а она на што во моментот е фокусирано Министерството за труд и социјална политика е зголемување на бројот на вакцинирани вработени лица во градинките со цел безбеден престој на децата во претшколските установи. При денешната посета на Берово, Министерката за труд и социјална политика Јагода Шахпаска информираше дека досега се вакцинирани 59 проценти од вработените во градинките во државата веќе се вакцинирани, а тенденцијата е таа бројка да биде уште поголема.

– Работата на градинката не престанала иако се наоѓаме на средина на годишните одмори. Во изминатиот период сериозно се пристапи кон процесот на вакцинирање за што говори и самата бројка на вакцинирани од 59 процентен одзив. Ги повикувам и останатите 41 проценти од вработените да се довакцинираат за да може да биде обезбеден престојот на децата во градинките, рече Шахпаска.

Во моментот како што додаде побарано е од Комисијата за заразни болести да се зголеми бројот на групите на деца кои посетуваат градинка

– Веќе има измени на групите, а со допис побаравме таа бројка да биде зголемена во групите-јасли каде во група престојуваат по 15 деца деца. Во меѓувремен протоколот за групите од 2 до 6 години протоколот е проширен на 20 деца, додаде Шахпаска.

Министерката посочи дека доколку дозволи епидемиолошката состојба може да се очекува во најскоро време градинките да работат со полн капацитет.

Би можело да ве интересира

Од утре почнува вакцинацијата со трета доза против Ковид-19

Бројот на активни случаи намален, речиси половина од позитивните на Ковид-19 се во Скопје

Помал интерес за вакцинација, вчера прва доза примиле само 1.717 граѓани

Катерина Павлова-Николовска

МЗ: Вчера се аплицирани 7.518 вакцини

Ана Ололовска

110.612 вакцини Фајзер преку Ковакс-механизмот пристигнуваат денеска

Катерина Павлова-Николовска

Две дози вакцина против Ковид-19 примиле речиси 700 илјади граѓани

Катерина Павлова-Николовска