Еврокомесарот Јоханес Хан утре ќе допатува во Скoпје со цел да изнуди конечен договор за ставање крај на политичката криза во земјата, јави дописникот на МИА од Брисел.
Еврокомесарот во Скопје утре ќе допатува со Иво Вајгл, Ричард Ховит и Едвард Кукан, со цел да се постигне одржлив договор. Како што извести Европската комисија, планирано е утре делегацијата да оствари средби со претседателите на четирите најголеми политички партии.
„Средбите што ќе се одржат на 14 јули имаат за цел надминување на политичката криза во земјата. На нив, исто така, ќе присуствуваат олеснувачите од Европскиот парламент, Иво Вајгл, Ричард Ховит и Едвард Кукан“, информира Еврокомисијата.