Утврден предлог-составот на Државната изборна комисија

Од:

Собраниската Комисија за прашања на изборите и именувањата на денешната седница со 9 гласа „за“ ја изгласа Предлог-одлуката за избор на претседател, потпретседател и членови на Државната изборна комисија.

За претседател на ДИК е предложен Александар Даштевски, поддржан од ВМРО-ДПМНЕ, а за потпретседател Дитмире Шеху од ДУИ, која и сега е потпретседател на Комисијата.

СДСМ ја даде поддршката на кандидатурите на Борис Кондарко и Радица Ристеска, актуелни членови на ДИК, како и на Оливер Ристовски, поранешен заменик министер за правда.

Втор член на ДИК со поддршка од ВМРО-ДПМНЕ ќе биде Бобан Стојаноски, правник во Собранието.

Алијанса на Албанците, која е во коалиција со Алтернатива ја поддржа кандидатурата на Кренар Лога, правник од Струга.

Старо-новиот состав на ДИК треба да биде изгласан на пленарната седница закажана за напладне, со двотретинско мнозинство.

Мандатот на актуелниот состав на ДИК завршува на 15-ти овој месец.

Би можело да ве интересира

МВР и ДИК ќе работат на воведување отпечаток од прст во изборниот процес

Жарко Настоски

ДИК: 4.26 милиони евра предвидени за спроведување на локалните избори

Жарко Настоски

Даштевски: Ќе работам стручно и професионално, по закон и Устав

Ана Ололовска

Во Собранието свечени изјави на новоизбраните членови на ДИК

Ана Ололовска

Дерковски: Немам причина и потреба да бидам на функцијата повеќе, ја завршив задачата која ми беше дадена

Кристијан Ландов

Собранието едногласно го избра Даштевски за претседател на ДИК

Габриела Димковиќ-Мишевска