Партиски извори од ДУИ, за А1он велат дека претседателот Стево Пендаровски утре ќе има средба со лидерот на ДУИ, Али Ахмети. Детали за што се однесува средбата не се откриваат. Претходно средба со Пендаровски имаше претседателот на СДСМ, Зоран Заев со кого го испи претседателското кафе.
Но иако Пендаровски вети дека ќе комуницира и со опозицијата и ќе се консултира и со нив, засега нема потврда дека ќе дојде до средба со претседателот на ВМРО-ДПМНЕ, Христијан Мицкоски. ВМРО-ДПМНЕ ги призна изборните резултати и присуствуваше на инаугурацијата. Дали ќе дојде до релаксирање на односите во државата и дали во тоа ќе има улога Пендаровски, ќе се види наскоро. Наредните денови се клучни за носење на Законот за Јавно обвинителство и за судбината на СЈО.