Утре се очекува да биде одобрен предлог-меморандумот за намалување на меѓународните тарифи за роаминг за телекомуникациски услуги помеѓу министерството за транспорт, информатичка техонолија и комуникации на Бугарија и министерството за информатичко општество и администрација на Македонија.
Како што најави бугарскиот министер Ивајло Московски роамингот со Македонија ќе биде укинат за неколку месеци, а претходно беше најавено дека со потпишувањето на меморандумот ќе биде дадено зелено светло за намалување на цените на разговорите, на СМС-пораките и на интернетот во телефонскиот сообраќај.