Усвоени заклучоците за Македонија – ЕУ ќе се наврати на прашањето до октомври годинава

Од:

Земјите членки на ЕУ ќе се навратат најдоцна во октомври 2019 година на отворањето преговори со Северна Македонија и Албанија, се договорија министрите за надворешни работи на ЕУ, попладнево во Луксембург.

Оваа верзија бележи ситни промени, како поздравувањето на договорот од Преспа, на што инсистираа поддржувачите на Северна Македонија во Советот, и елемент кој внесува мала разлика во споредба со заклучокот за Албанија.

Сепак, земјите членки не успеваат да се договорат за датум за почеток на преговори, и повторно ветуваат да се навратат на ова прашање најдоцна во октомври годинава.

-Потврдувајќи ги заклучоците од 26 јуни 2018 година, Советот силно го поздравува историскиот Преспански договор без преседан и добро ја зема на знаење препораката на Европската комисија за отворање на пристапните преговори со Република Северна Македонија врз основа на позитивната евалуација и направениот прогрес во исполнувањето на условите идентификувани од страна на Советот. Со оглед на ограниченото време на располагање и важноста на прашањето, Советот ќе се наврати со цел постигнување јасна и суштинска одлука најбрзо што може и не подоцна од октомври 2019 година, гласи последната верзија на заклучокот за Северна Македонија.

Со исклучок на Преспанскиот договор, заклучокот за Албанија е потполно ист.

Источноевропските земји најсилно се залагале за отворање на преговорите со двете земји без никакво одлагање, но отпорот од Франција, Германија и други западни земји останува преголем.

Предлозите на земјите кои и се наклонети на Северна Македонија не биле задржани – ниту споменувањето на преговарачка рамка, ниту на прва меѓувладина конференција, што ќе беше појасен сигнал за европската заложба кон проширувањето и барем еднакво силна порака како и ланските заклучоци, каде се споменуваше меѓувладината конференција и се нудеше подготвителен скрининг.

Дипломатски извори за МИА велат дека овој заклучок е најдобриот можен компромис со оглед на длабоките несогласувања помеѓу земјите членки на Унијата околу проширувањето, но дека оваа формулација „не носи автоматизам“ за есенската одлука.

Би можело да ве интересира

Одрони на патот кај селата Истибања и Калиманци

ВИДЕО: Дождот направи поплави во Велес, небото се спушти и над Скопје

Земјотрес на подрачјето Тетово – Гостивар со интензитет од три степени

Предраг Петровиќ

ВРЕДИ за скандирањата: Институциите функционираат, за разлика од времето на ДУИ кога вакви случаи се прикриваа без никаква одговорност

Државна делегација предводена од потпретседателката на Собранието, Весна Бендевска во манастирот Прохор Пчински

Таравари бара да се објават сите корисници на унгарскиот кредит