Во Уставниот суд претпладнево продолжи седницата за избор на претседател на Судот.
Вчера имаше четири неуспешни обиди за избор на претседател на Уставен суд, а според информациите, ниту еден од предложените кандидати не го добил потребното мнозинство. Се гласало за избор помеѓу судијките Татјана Васиќ Бозаџиева и Ана Павловска Данева.
Според Деловникот, гласањето ќе се повторува се додека не се избере претседател, а тоа може да трае се до истекот на мандатот на актуелната претседателка Кацарска што е на 2 јуни в недела.
Уставниот суд на седница избира претседател на Судот од редот на судиите со двотретинско мнозинство од вкупниот број на судиите, со тајно гласање.
Мандатот на претседателот на Уставен суд е три години, без право на реизбор.