Уставните измени ќе бидат донесени во Собранието во следните две недели, откри премиерот Димитар Ковачевски при посетата на Свети Николе.
– Тие ќе пристигнат во Собрание во следните две недели и ќе почнат сите процедури –рече тој.
Тој не кажа дали имал разговор со лидерот на опозицијата, Христијан Мицкоски и дали му најавил соработка во процесот, но рече дека и да не гласаат пратениците на ВМРО-ДПМНЕ ќе нема избори наесен затоа што тие не се врзани со уставнит измени.
– Во Земјава наесен нема да имаме избори, процесот на уставни измени не е поврзан со мандат на влада, туку со евроинтегративниот процес. Кога ќе бидат разгледани амандманите од Владата ќе бидат јавно објавени и тогаш граѓаните ќе се уверат во тоа дека нема ништо спорно. Обврска на секој пратеник во Собранието е овој процес да го поддржи – додаде премиерот.