Уште три лица хоспитализирани на Инфективната клиника

Од:

Уште три лица од гостиварско село се хоспитализирани во Клиниката за инфективни болести со висока температура, пролив, повраќање… Тие заедно со четворицата кои без хоспитализирани со истите симптоми на Клиниката се со полесна клиничка слика и не се во животно заргозувачка состојба, изјави денеска заменик-министерот за здравство Гоце Чакаровски.

Во меѓувреме се чекаат резултатите од анализите за утврдување на причината за смртта на двете лица од гостиварското село Симница кои починаа на Клиниката за инфективни болести откако биле донесени во тешка здравствена состојба.

Чакаровски рече дека направени се испитувања во Македонија и се чекаат резултатите од странските центри.

– Екипите вчера не успеаја да се качат до бачилото, бидејќи тоа е непристапен терен. Денес обезбедивме теренско возило. Нашите екипи се на терен, посочи Чакаровски.

Тој рече дека пуштени се мостри и во референтни центри и кога ќе ги соединат двата резултата ќе излезат во јавноста.

– Комисијата за заразни болести заседава постојано. Се надевам дека до крајот на денот, најдоцна до утре јавноста ќе добие конкретна информација за сите настани со дефинирани резултати за причинителите, додаде Чакаровски.

Би можело да ве интересира

Министерот Кенеди отпушта 10.000 луѓе во здравството

ВЛЕН: Здравството во нашата земја е разбудено од „клиничката смрт“

Интервју со проф. д-р Светозар Антовиќ: Првиот симпозиум на MAAS ќе биде историски настан за нашата хируршка заедница

Таравари признава дека има мито во здравството, повика граѓаните да пријавуваат

Катерина Ѓуровски

Таравари: До крајот на годината решение ќе земат 1.100 вработени по договор на дело во здравството

Поголеми плати во здравство, потпишан Анекс на Колективниот договор