До Државната изборна комисија вчера стигнала уште една иницијатива за собирање потписи – Гоце Ристов како 14 кандидат ќе се обиде за три дена да собере 10.000 потписи за претседателските избори.
На последниот пресек може да се види дека е на исто рамниште со Томе Николоски, единствениот кандидат кој има нула потписи.
„Денес, до Државната Изборна комисија е доставена Иницијатива за собирање на потписи за кандидатура за Претседател на Република Северна Македонија, од страна на Гоце Ристов. Потписите ќе се собираат во подрачните одделенија/канцеларии на Државната изборна комисија на цела територија на државата“, објави вчера ДИК.
Ристов е единствениот кандидат за кого нема информации од каде доаѓа и зошто одлучил да почне да се вклучи во трката, бидејќи собирањето потписи завршува в петок.