Урнати дивоградбите на дел од охридските плажи кои ќе се уредуваат со речен песок

Од:

Екипи на општинските јавни претпријатија во координација со Општина Охрид од денес ќе почнат со активности за уредување на крајбрежниот простор на Охридското Езеро, во потегот од Горица 3 до Аквалина каде што во текот на изминатата седмица се вршеше отстранување на нелегални објекти и остатоци од урбана опрема.

Оваа седмица ќе се врши расчистување на теренот, подигнување на градежниот шут и несоодветниот материјал (тампон), со кој било вршено насипување на крајбрежјето. До сега се подигнати преку 1000 м3 градежен шут.

Во текот на наредните денови ќе се врши насипување и уредување на плажата со речен песок, што е дозволена согласно Планот за управување со светско природно и културно наследство на Охридскиот Регион.

„Упатуваме апел до сите сопственици на објекти на крајбрежниот појас од населбата Свети Стефан до потегот на крајбрежјето кај Градиште, како и потегот на крајбрежјето во делот на населбата Канео и во делот на населбата Далјан, кои нелегално поставиле урбана опрема и платформи, а на кои им беше даден рок самите да ги отстранат нелегалните градби, оваа седмица да пристапат кон отстранување на истите.

Процесот на отстранување на урбаната опрема и бесправните градби од крајбрежниот појас на Охридското Езеро, според планираното ќе продолжи по завршување на активностите на уредување, (во понеделник на 29.6.2020 година) и ќе трае се до конечно расчистување на крајбрежјето“, соопшти Општина Охрид.

Би можело да ве интересира

Битолчанец се удавил во Охридското Езеро

Горан Наумовски

Обид за убиство во Охрид: Скопјанец со нож сакал да убие познаник

Кај Елешец изгоре глисер на тетовец

А1он

Пронајдено e телото на нуркачот од Бугарија кој исчезна во водите на Охридското Езеро

А1он

Нуркач од Бугарија исчезна во водите на Охридското езеро

А1он

Уапсен маж осомничен дека предизвикал пожар, кај него е пронајдена запалка тврди полицијата