Компанијата Урбан инвест ДОО од кавадаречко Возарци ја доби тужбата против ФЕНИ ИНДУСТРИ заради загадување на животната средина со штетни емисии на прашина и чад.
Тужениот ФЕНИ ИНДУСТРИ има фабрика со погони за примарна преработка на руда која е лоцирана во непосредна близина на село Возарци.
Тужителот Урбан инвест пак има фабрика, која е лоцирана во непосредна близина на ФЕНИ ИНДУСТРИ и се жали на големо загадување со нечистотија од прашина и чад поради процесот на обработка на рудата, како и нејзиниот транспорт. Како што е наведно во тужбата, тужителот се жали и на нарушена безбедност на сообраќајот и загрозеност на здравјето и животот и на сите учесници во сообраќајот кои поминуваат по патот во близина на комбинатот ФЕНИ.
Согласно пресудата од Основниот суд Велес, ФЕНИ ИНДУСТРИ се задолжува да и исплати на Урбан инвест надомест на штета од 600 илјади денари, како и нематеријална штета во износ од 13 милиони денари. Воедно се задолжува тужениот да преземе мерки со кои ќе се спречи натамошно нанесување штета.