Затворена обиколница, затворен „Рекорд“. На едниот простор се снима филм, на другиот, се работи, се мести бина за приватната музичка журка на Телеком. Граѓаните се револтирани, велат, за приватна журка, кој сака ги блокира и така тесните улици и се создава уште поголем хаос во сообраќајот.
И сето ова ќе трае до недела, наместо да заврши блокадата веднаш по концертот.
Улиците „11 Октомври“ и „Димитрија Чупоски“ од вчера во 23 часот се затворени за сообраќај на потегот од крстосницата помеѓу улицата „11 Октомври“ и булеварот „Кочо Рацин“, па се до крстосницата меѓу улиците.
„Димитрија Чупоски“ и „Даме Груев“, како и од излезот од Градски трговски центар и влезот кон Порта Македонија.
Сообраќајот ќе биде во прекин се до недела во 12 часот.