„Инспектори на Управата за јавни приходи минатата недела го проверувале финансиското работење на неколку храмови и институции на Македонската православна црква, објави порталот Press24, повикувајќи се на црковни извори.
Ненајавени инспекторите, пишува порталот, се појавиле во Соборниот храм, свеќоливницата и уште неколку цркви во скопско. Прибирале податоци за статусот на сите лица кои биле во хрмовите, а за кои претпоставувале дека се ангажирани од МПЦ. Инспекторите побарале увид и во документацијата, поврзана со црковните предмети кои се продаваат во храмовите.
Во УЈП, изјавиле дека секоја акција на инспекторите е даночна тајна, Македонската православна црква, и верските институции пишува порталот, не се дел од системот на фискално работење.