Фирмите кои организираат зелен пазар на кој се врши трговија на големо и мало, имаат обврска најдоцна до крајот на месецов да поднесат Годишен извештај во кој треба да се пријави кој ги користел продажните места на зелениот пазар во изминатата година.
Пополнетиот „Годишен извештај за корисниците на продажните места на зелените пазари“, организаторот на зелениот пазар треба да го достави до даночната канцеларија на УЈП во седиштето на даночниот обврзник или по електронски пат преку е-даноци https://etax-fl.ujp.gov.mk најдоцна до 31 јануари 2013 година, кога и истекува законскиот рок за завршување на оваа обврска.
Доколку до 31 јануари, организаторот на зелениот пазар не поднесе Годишен извештај законот предвидува глоба во износ од 2.000 до 3.000 евра во денарска противвредност.
Образецот „ПДД/ГИ-ЗП“ за поднесување на Годишен извештај може да се преземе преку веб-страницата на УЈП http://www.ujp.gov.mk/mk/obrasci/opis/128 .
