УХМР: Најавените врнежи ќе ги зголемат водостоите на реките

Од:

Водостоите на реките во земјава се под просекот за јануари, а новите врнежи од дожд и снег кои се очекуваат во текот на утрешниот ден во северните делови од државата ќе условат нивно благо покачување, информираат од Управата за хидрометеоролошки работи (УХМР).

Оттаму порачуваат дека на југот на земјва тоа покачување ќе зависи од интензитетот на врнежите, но и од тоа дали врнежите ќе бидат од дожд или снег.

-Во зависност од остварувањето на прогнозата за врнежите, во југоисточните сливни подрачја кај одредени помали водотеци и суводолици, можна е локална појава на брзи истечни води, а поради заситеност на почвите со влага можна е и појава на заезерување на одредени рамни површини, посочуваат од УХМР.

Според најавата на синоптичарите, поинтензивни врнежи од дожд се очекуваат во југоисточните делови од Македонија, но се очекува и над 100 метри надморска височина овие врнежи да бидат од снег.

Би можело да ве интересира

Променливо облачно време со локални врнежи од дожд

Најстудено на Попова Шапка и во Маврови Анови, најмногу дожд во Гевгелија

Променливо облачно, попладне и во вечерните часови нестабилно со дожд и силен ветер

Најстудено на Попова Шапка, најмногу дожд во Крива Паланка

Облачно со повремен пороен дожд и услови за ретки грмежи

Најмногу дожд во Битола 43 литри на квадрат, снег на Попова Шапка и во Крушево