Уапсен е дилер во чии стан е најдена дрога, но уапсен се и двајца скопјани кои биле затекнати дека се дрогираат во станот на дилерот.
„ По преземени мерки и добиени сознанија дека подолг период врши продажба на дрога на зависници во Скопје, на 18.03.2024, полициски службеници од Единицата за недозволена трговија со дрога – Сектор за недозволена трговија со дрога оружје и опасни материи при Оддел за криминалистичка полиција, во координација Единицата за недозволена трговија со дрога при СВР Скопје и Специјалната антитерористичка единица Тигар, со судска наредба, извршиле претрес во домот и други простории на Г.П.(45) од Скопје.“ велат од МВР.
При претресот на станот биле пронајдени и одземени хероин, дигитална вага, повеќе предмети со остатоци од хероин и повеќе други вредни предмети за кои постои сомнение дека потекнуваат од кривични дела.
Исто така, при претресот во домот на Г.П. бил затекнат и Д.Ж.(46) од Скопје кој е исто така приведен. Претходно, од слобода бил лишен и З.Д.(50) од Скопје, кој во текот на денот бил во домот на Г.П. и користел хероин, велат од полицијата.
Дилерот и двајцата приведени скопјани се уапсени, а по целосно документирање на случајот, во координација со јавен обвинител, ќе бидат поднесени соодветни пријави.