Во текот на вчерашниот ден, полициски службеници од СВР Скопје на ул.„Петар Дељан“ го привеле М.Ѓ.(29) од Скопје, затоа што при извршен преглед кај него била пронајдена прашкаста материја. По документирање на случајот, против него ќе биде поднесен соодветен поднесок.
СВР Куманово, пак, поднесе кривична пријава против О.А.(41) од Куманово, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 16.10.2019 полициски службеници извршиле преглед на патничко возило „рено меган“, сопственост на пријавениот, при што пронашле и одзеле хероин.