Синоќа околу 20 часот во близина на гевгелиското село Мрзенци, полициски службеници го уапсиле М.К.(21) од Скопје поради сомнение за сторено кривично дело „криумчарење мигранти“.
Според МВР, претходно, кај гевгелиското село Негорци, полициски службеници дале знак за запирање на возило „фолксваген пасат“ кое M.K. го управувал, но тој продолжил со движење и во близина на Негорци го запрел возилото и се обидел да побегне, по што бил фатен и уапсен.
„При преглед во возилото биле пронајдени седум лица мигранти, од кои четири од Сирија, еден од Непал, еден од Египет и еден од Палестина. Лицето било задржано во полициска станица, а мигрантите биле пренесени во Прифатно-транзитен центар во Гевгелија. По целосно документирање на случајот, во координација со јавен обвинител, против него ќе биде поднесена соодветна пријава“, извести МВР.