Уапсен е возач кој е осомничен за денешната тешка сообраќајка на автопатот Тетово-Гостивар

Од:

Полицијата извести дека е уапсен 19-годишен возач кој е осомничен за предизвикување на денешната сообраќајна несреќа во која загина едно лице.

Како што извести полицијата, денеска во 15.50 часот на автопатот Тетово-Гостивар се случи сообраќајна несреќа помеѓу возило “пежо” со охридски регистарски таблички, управувано од Г.В.(47) од Охрид и патничко возило “мерцедес” со регистарски таблички од Р.Словенија, управувано од А.А. (19) од с. Градец.

На местото на настанот почина Д.М. (81) од Охрид, сопатничка во возилото “пежо”, а смрт констатирал лекар од Итна медицинска помош Гостивар.

Со тешки телесни повреди се здобиле В.В. (47) и С.В. (69) од Охрид, сопатници во возилото “пежо”, кои со возило на Итна медицинска помош се пренесени во Ургентен центар Гостивар за укажување на лекарска помош.

Извршен е увид од ОВР Гостивар и јавен обвинител, по чија наредба возачот А.А. е лишен од слобода и против него ќе биде поднесена соодветна пријава.

Би можело да ве интересира

Лишен од слобода возачот кој со патничко возило удри пешак во Скопје

Во несреќен случај загина 46-годишен камионџија од Желино

Седум загинати, над 53 повредени во сообраќајна несреќа во Тајланд

Пијан возач од Македонски Брод удри во паркиран автомобил

Штипјанец е тешко повреден откако со мотоцикл излета од автопатот Скопје-Куманово

Полицијата уапси насилник кој си ја истепал сопругата