Битолската полиција уапси жител на градот во чијшто дом пронајде пакувања со кокаин, пари и опрема која е осомничен дека ја користел за трговија со дрогата.
„Денеска (07.06.2021), полициски службеници од Отсекот за недозволена трговија со дрога и оружје при Одделението за криминалистичка полиција при СВР Битола го лишиле од слобода Д.Д.(35) од Битола. При претрес во неговиот дом, извршен со судска наредба, биле пронајдени и одземени повеќе пакувања со кокаин, дигитална вага, поголема количина пари (денари и евра), две патнички возила, три патрони за пушка и делови од пиштол“, се вели во полициското соопштение.
Осомничениот бил приведен во полициска станица и по целосно документирање на случајот, против него ќе биде поднесена соодветна пријава, додаваат од полицијата.