Деветнаесетгодишник од скопското село Бојане е лишен од слобода под сомнение дека го убил 18-годишниот Б.Д., исто така од Бојане, соопшти Министерството за внатрешни работи.
Според информациите од МВР, на 17 мај 2026 година во 00:50 часот, полициски службеници од СВР Скопје го привеле М.Б. (19) од село Бојане поради основано сомнение дека сторил кривично дело „убиство“ по член 123 од Кривичниот законик.
На телефонската линија 192 претходно се јавил неговиот татко И.Б., кој пријавил дека неговиот син му признал дека на 15 мај, во шума во околината на Сарај, со пиштол го усмртил Б.Д. (18).
По пријавата, полицијата го привела осомничениот, а биле пронајдени и телото на жртвата, како и пиштолот со кој, според првичните информации, е извршено убиството.
По целосно документирање на случајот, против М.Б. ќе биде поднесена соодветна кривична пријава.