Тројца штипјани се осомничени за неовластено производство и пуштање во промет на опојни дроги, откако при претрес на викенд куќа во населба во градот полицијата пронашла насади со марихуана и околу 2.600 семки канабис, информираат од МВР.
Станува збор за Д.Ч.(46), М.Б.(38) и К.С.(35), против кои СВР Штип поднел кривична пријава.
Според полицијата, нивни екипи по добиени сознанија и во консултација со јавното обвнителство, вчера извршила претрес во викенд куќа во местото Суитлак каде пронашла 57 насади со марихуана и 2.657 семки канабис.
„Насадот од страна на пријавените бил подготвен во приземна просторија на викенд куќата која ја приспособиле со намера за производство и пуштање во промет на опојна дрога марихуана„ информираат од полицијата.