Тројца пожарникари повредени од струен удар при гасење пожар на покрив од куќа во струшко

Од:

Тројца пожарникари се повредени при интервенција на пожар на кров од куќа во струшкото село Радожда, потврди за МИА командирот на Територијалната против пожарна единица во Струга, Фети Мазари.

Според него, пожарот бил пријавен синоќа во 23 часот и 30 минути, по што интервенирале шестмина пожарникари.

– Пожарникарите се во добра здравствена состојба, а пожарот е целосно изгаснат, изјави Мазари.

СВР Охрид соопшти дека синоќа околу 23 часот и 40 минути бил пријавен пожар во куќа во близина на струшкото село Радожда, сопственост на А.С. од истото село.

– При интервенција на Територијалната противпожарна единица од Струга, со повреди од струен удар се здобиле тројца пожарникари кои го гаснеле пожарот. Тие се пренесени во Општата болница во Струга каде им биле констатирани телесни повреди по што, биле пуштени на домашно лекување, појасни портпаролот Стефан Димоски.

Се работи на расчистување на случајот.

Би можело да ве интересира

Три жртви во пожарите во Шпанија, евакуации низ целата земја

(ВИДЕО) Гори хотел на планината Голија во Србија, гостите се евакуирани

Горан Наумовски

Активни се два пожари, три се под контрола, а 14 се изгаснати

Горат пожари во „Јасен“, Октишка краста, Опае и во селото Вирче

Мицкоски: Се надевам дека во најскоро време пожарот во „Јасен“ ќе биде ставен под целосна контрола

Пламна голем пожар во атарот на струшкото село Октиси