Тројца насилници од тераса турнале познаник

Од:

Тројца жители на кривопаланечкото село Конопница вчера физички го нападнале, а потоа и го турнале од тераса дваесет и шестгодишниот А.С. од истото село, при што тој се здобил со повреди.

Од Секторот за внатрешни работи во Куманово информираат дека настанот се случил вчеравечер, 35 минути пред полноќ.

– На 20 април 2025 во 23 часот и 25 минути полициски службеници од Одделението за внатрешни работи Крива Паланка ги лишиле од слобода дваесет и шестгодишните Ј.А. и Н.К. како и Е.А., дваесет и петгодишен, сите од село Конопница, кривопаланечко. Лицата се лишени од слобода затоа што во Крива Паланка физички го нападнале и го турнале од тераса дваесет и шестгодишниот жител на истото село А.С. кој се здобил со повреди, изјави портпаролот на СВР Куманово, Ивана Младеновска.

Насилниците се приведени и по целосно документирање на случајот, против нив ќе биде поднесена соодветна пријава.

Би можело да ве интересира

Филипче: Сашко ќе добие уште еден мандат во Крива Паланка

Група од 50 насилници претепаа маж во Белград, еден од нив му нанел повреди со мачета

Македонија нема механизам за заштита на жртвите од родово и семејно насилство

Штипјанец осомничен за убиство, ги нападнал сопругата, нејзините брат, татко и мајка

Тројца насилници со боксови нападнале полицајци, на крај завршиле во станица

Двајца браќа од струшко село повредиле жена која патувала во комбе