Триесетгодишниот Ф.Д., кој ја претепа двегодишната ќерка која почина на Клиничкиот центар „Мајка Тереза“ во Скопје доби триесетдневен притвор, информира СВР Охрид.
Од полицијата информираат дека таткото Ф.Д. е спроведен во казнено-поправната установа Затвор „Битола“.
За него, кичевското обвинителство на 11 јануари отвори истрага за кривичното дело убиство.
„Осомничениот на 18 декември 2023 година при вршење семејно насилство, ја лишил од живот сопствената ќерка родена 2022 година. Тој и нанел повеќе удари со раце и нозе, предизвикувајќи и тешки телесни повреди – скршена коска на черепот, крвавење во мозокот и скршеници на две ребра“, соопштија од обвинителството.