Три нови случаи со мали сипаници во Скопје, досега 69 заболени

Од:

Три нови случаи со мали сипаници (морбили) се регистрирани вчера во Скопје. Станува збор за дете на возраст од една и пол година од населбата Чаир, како и за 10-месечно дете и петгодишно дете од Центар, кои не биле вакцинирани, информираат денеска за МИА од Министерството за здравство.

Со овие три нови случаи, како што посочуваат, од декември, досега, во Скопје се регистрирани 69 заболени од мали сипаници.

– Во моментов 24 пациенти со морбили се сместени на Клиниката за инфективни болести. Крај на епидемијата ќе се прогласи тогаш кога нема да има ниту еден заболен во период од четири недели. Од почетокот на епидемијата на морбили во декември и од почетокот на забраната за примање деца во градинка кои не се вакцинирани со МРП вакцина, досега, се вакцинирани повеќе од 3.400 деца, истакнуваат од Министерството за здравство.

Во меѓувреме, во градинките во Скопје се уште не се примаат невакцинирани деца, а државните здравствени инспектори прават увид на терен за да утврдат дали има градинки што примаат невакцинирани деца, но досега не регистрирале таков случај.

Би можело да ве интересира

СЗО: Најмногу заболени од сипаници во последните 13 години

Досега вакцинирани 34.214 лица на возраст до 14 години со МРП вакцина

Ана Ололовска

Досега вакцинирани 32.653 лица со МРП вакцина, минатата недела нови 10 заболени

Ана Ололовска

Регистрирани 105 нови случаи со морбили, досега вакцинирани 27.000 лица низ државата

Ана Ололовска

Д-р Муса: Во струшката болница од морбили се заболени 9 вработени од вкупно 56 на хируршкото одделение

Изминатата недела 134 заболени од морбили, најмногу од почетокот на епидемијата

Ана Ололовска