И трето лице е приведено во врска со убиството на лекарот Ацо Трпковски во скопската населба Железара информираше денеска министерот за внатрешни работи Панче Тошковски.
– Приведени се вкупно три лица.Претресот е завршен во доцните часови. Се продолжува со други истражни дејствија, се со цел да може да се утврди соодветната фактичка состојба. Така што, за нови дополнителни информации, јавноста ќе биде дополнително известена, рече Тошковски, одговарајќи на новинарско прашање во Струмица.