„Наводниот терорист што седи до мене го формирал оперативниот кризен штаб”, го бранеше Чавков неговиот адвокат Сашко Дуковски во воведниот збор за судењето за крвавиот четврток.
Според него, Чавков успешно го водел штабот три месеци и успешно го координирал, а за еден час кај него се јавува умисла за тероризам.
Дуковски рече дека Чавков дејствувал континуирано и издавал наредби за конкретни дејствија и ги прекинал насилствата.
„Ќе докажеме кој и како издавал наредби во оперативниот штаб“, рече Дуковски.
Акцијата, според него, траела час и 20 минути.
„Што требало? Да се телепортираат полицајци за акцијата да заврши побрзо, или да имало 100 мртви ако полицијата презела прекумерна употреба на сила?“, рече бранителот на Чавков.
Тој додаде дека Богдан Илиевски е обвинет за тероризам за само 1 реченица.
Во судот продолжува изнесувањето на воведните зборови во предметот за крвавиот четврток.
Васко Маглешов