Трагедија во рудникот „Бучим“, загинаа две млади лица кои биле ангажирани од алпинистички клуб

Од:

Две млади лица загинаа во рудникот „Бучим“. Трагедијата се случи денес претпладне кога двајцата радовишани чистеле високо недостапни силоси, работа која ја извршувале како надворешни лица ангажирани од алпинистичкиот клуб „Плоча“, подизведувачи во рудникот. Засега е познато дека тие починале на пат кон болница, каде им подглегнале на повредите.

Од рудникот „Бучим“ преку известување го потврдуваат случајот, посочувајќи дека се известени сите надлежни органи. Според нивните информации, двете млади лица починале поради задушување.

„Известени и повикани се на лице место сите надлежни органи што се бараат со закон во таков случај за извршување на увид. По првична информација од службите, причината за смртта на двете лица е задушување. Формирана е и комисја која врши проценка за причината за настанатиот несреќен случај во согласност со сите законски барања. Резултатите од истрагата ќе бидат дополнително соопштени. “Бучим” ДОО Радовиш го искажува своето искрено сочувство до семејствата на починатите лица“ стои во официјалното известување од рудникот „Бучим“.

На терен се екипи и на МВР кои вршат увид, по што се најавени детали за несреќата.

Би можело да ве интересира

Шахпаска: Работиме на измени во законското решение со кое рударите со вкупен стаж од 40 години ќе одат во пензија

А1он

Ден на жалост во Радовиш по загинувањето на двајцата алпинисти

Мајсторски и Станишков се алпинистите кои загинаа кај Бучим, Македонската алпинистичка федерација во жалост

А1он

Спасени 33 од заробените 39 рудари во рудникот во Канада

А1он

До октомври готова делницата од клучката кај рудникот Бучим до Радовиш на експресниот пат

А1он

Рудникот во Перник одбележува 130 години постоење и индустријализација во Бугарија

А1он