Тошковски потврди дека советник назначен од него бил отстранет од Тетово – бара Внатрешна контрола да утврди зошто

Од:

Министерот за внатрешни работи Панче Тошковски потврди дека на советник од неговиот кабинет, упатен со писмена наредба, не му било дозволено присуство во рамки на оперативниот штаб на СВР Тетово и најави дека ќе се преземат сите соодветни мерки, согласно Закон за Влада и можностите во рамки на МВР.

„ Точно е дека со писмена наредба упатив еден од моите советници да присуствува во Тетово на денешниот изборен ден, и точно е дека не му било дозволено да присуствува. Според информацииите кој јас ги имам началникот на СВР Тетово постапил по добиена наредба од директорот на БЈБ, но дали е така и како е конкретно постапено не би сакал да влегувам сега во детали. Тоа треба да се утврди точно од страна на Внатрешна контрола“, изјави Тошковски

Колицијата Вреди  претходно на прес конференција обвини дека началникот на СВР Тетово, Шефик Бајрами во текот на денешниот изборен ден го избркал советникот на министерот, кој со допис бил назначен од министерот да се грижи за безбедноста на изборниот процес.

Од коалицијата тврдат дека Бајрами ја зел писмената наредба, го сликал советникот, а потоа телефонски разговарал со некое лице, од кое добил наредба сите полицајци кои не се контролирани од ДУИ да го напуштат штабот.

„Тогаш Шефик Бајрами му се обратил на советникот со зборовите дека „итно мора да го напушти седиштето“. Го повикуваме министерот за внатрешни работи итно да преземе мерки против началникот и итно да постапи во Тетово и во ИЕ6“, рече Башким Асами, член на Вреди.

Би можело да ве интересира

Тошковски до СДСМ: Толку ли многу ви смета што покренавме кривични постапки против корумпирани судии и обвинители?

Мицкоски: ДУИ не враќа назад, Левица руши и безмилосно ја цицаат и самата партија, а Филипче мисли на Дубаи

(ВИДЕО) Катка Божиновска: Вреди да се бориме за Тетово!

А1он

Почетокот на судскиот процес за театарот и библиотеката повторно одложен – нов термин закажан за 8 октомври

Семејство од Тетово бара помош: Исчезнат е 83-годишниот Ѓорѓе Серафимовски

Тошковски вели дека во Македонија дрогата и нелегалното оружје немаат иднина

Горан Наумовски