Носителот на листата на пратеници на ВМРО-ДПМНЕ и Коалицијата „За подобра Македонија“ во Третата изборна единица, Никола Тодоров денеска на средби со граѓани во Кочани најави изградба на пречистителна станица во овој град, проект којшто е дел од програмата на партијата.
– Денеска сме во посета на Кочани. Тука има еден огромен проект којшто е предвиден во нашата програма, а тоа е проектот за пречистителна станица. Проектот е вреден 22 милиони евра. Се предвидува изградба на пречистителна станица за филтрирање на отпадните води со што сериозно се придонесува за заштита на подземните води, за заштита на почвата и, генерално, за заштита на животната средина.
– Проектот треба да започне со изградба 2015/2016 година и е покрупен проект од областа на екологијата и заштитата на животната средина, а еден од 2.046-те проекти којшто треба да се реализира со нашата програма, изјави Тодоров.