Комбинираниот тим на министерствата за финансии и образование и наука е победник на штафетната трка со четири измени по два километри на македонската општествено-деловна заедница што викендов се одржа на патеката на кејот на Вардар во Скопје.
Во тимот на министерствата за финансии и образование настапи и министерот за финансии Драган Тевдовски.
Второ место беше тимот Сивус Спартанс, а третото место му припадна на тимот на Телеком Магента 1.
Најбрзи поединци, со најбрзо истрчани кругови, беа Сања Костуранова од тимот на Сивус кај жените и по втор пат, Игор Стојановски од Халкбанк кај мажите.
Трката се организира по втор пат, од здружението за спорт и рекреација Прв до врв од Скопје, со цел јакнење на тимскиот дух меѓу вработените во компаниите и нивно поврзување со останатите фирми учеснички во трката.
На Business Run 2017, како што инофрмираат организаторите, учествуваа 62 тимови на познати македонски компании, банки, телеком оператори, градежни, осигурителни, трговски, угостителски и софтверски компании, веледрогерии, болници, медиуми, политички партии, адвокатски канцеларии, стопански комори, образовни институции, амбасади итн.